昨天去花墟買了一大把跳舞蘭。我很喜歡看着一大把的跳舞蘭迎風飛舞的。不過真的很久沒有買花了。
點解今次會走去買花呢，就係因為我喺中環，成日經過結志街嘅花檔，有一日見到跳舞蘭，雖然唔係高身亦都唔係太豐滿，但係就想買一束跳舞蘭返公司擺，問吓個花檔幾多錢，個女檔主望一望我然後停一停就話百五蚊，我見佢個樣好似想一啖咬落我度咁，我怕痛，即刻走人！
隔離有檔男檔主，都係賣同樣嘅花，我問佢幾多錢，佢望都唔望下我，就話$100。我覺得佢比較可靠。不過我又唔急於插花，所以我想去花墟睇吓而家乜嘢價錢，畢竟，已經有好多年冇去過花墟買花。
嘩，原來而家賣花嘅舖頭好少，多數都係賣盆栽！高身嘅跳舞蘭更加少，剪咗矮身嘅，兩支都要$60 ，我心諗乜而家啲花咁貴！
行吓行吓行到街尾，開始多舖頭賣花啦，不過跳舞蘭嘅選擇真係唔多，更何況我係要高身嘅。終於搵到呢間，真係唔平呀， 而且唔算好高身，$200一束，不過有10幾支，望落去都好開心。
真㗎，一陣風吹埋嚟，睇住佢跳，個人真係開心啲㗎。
#何嘉麗callmegaga #何嘉麗 #出街玩
#花墟 #跳舞蘭
#堅道徘徊 #結志街 #花檔 #一啖咬落嚟 #怕痛
Search